काठमाडौं । सिनेमाघरमा आजदेखि चलचित्र ‘जय हो’ प्रदर्शनमा आएको छ ।
शुक्रबार प्रदर्शनअन्तर्गत देशभरका सिनेमाघरमा चलचित्र ‘जय हो’ प्रदर्शनमा आएको हो । चलचित्रको यही बुधबार राजधानीमा प्रिमियर शोको आयोजना गरिएको थियो । प्रिमियर शोमा चलचित्र हेर्न सिनेमाकर्मी र पत्रकारको बाक्लो उपस्थिति थियो । चलचित्र हेरेर हलबाट निस्कँदै गर्दा दर्शकले मिश्रीत प्रतिक्रिया दिएका थिए ।
टेक पौरखी राईको निर्देशन रहेको चलचित्रमा केकी अधिकारी, सलोन बस्नेत, अर्पण थापा, निशा अधिकारी, माओत्से गुरुङ, प्रेम पाण्डे, दीपा शाक्य श्रेष्ठ, सुवी मगर, सुमिन गुरुङ, सुशान्त श्रेष्ठलगायत कलाकारको अभिनय छ ।
