सभापति देउवाको कार्यशैलीप्रति महामन्त्री थापा आक्रोशित

काठमाडौं । नेपाली कांग्रेसका महामन्त्री गगन कुमार थापा पार्टीलाई सुधार गरि अघि बढाउनुको विकल्प नभएको बताएका छन् ।
बिहीबार काठमाडौंमा आयोजित एक कार्यक्रममा थापाले पार्टी नेतृत्व (सभापति शेरबहादुुर देउवा)को गलत निर्णयका कारण कांग्रेसप्रति जनताको निराशा बढेको भन्दै पार्टीलाई सुधार गरि अघि बढाउनुको विकल्प नभएको बताएका छन् । उनले तल्लो तहमा गएर आवश्यक सुधार लिई त्यसका आधारमा पार्टी सुधारको अभियानलाई अघि बढाउनुपर्नेमा जोड दिएका छन् । अहिले कांग्रेस पहिलो पार्टी भएपनि कार्यकर्ता तहमा निराशा चुलिएको थापाको भनाइ छ ।
उनले चुनाव अघिको गठबन्धनले नै पार्टीप्रतिको विश्वासमा संकट देखापरेको अवस्थामा आगामी चुनावमा सारा दलबीच गठबन्धन भएपनि कांग्रेस एक्लै चुनाव लड्छ भन्ने आश्वस्त पार्नुपर्ने जिकिर गरेका छन् ।
उनले नेतृत्वले ठिक ढंगले काम गर्न नसक्दा कार्यकर्ताहरुले पनि सहि तवरले काम गर्न नसकेको यथार्थलाई अन्त्य गर्नुपर्ने बताएका छन् ।