‘ए साथी सुन’ मा वर्षा र रमेशको रोमान्स (भिडियोसहित)

काठमाडौं । चलचित्र ‘ए साथी सुन’को शीर्ष गीत रिलिज भएको छ । सार्वजनिक गीतमा अभिनेत्री वर्षा शिवाकोटी र डेब्यु अभिनेता रमेश बानियाँलाई रोमान्टिक अवतारमा प्रस्तुत गरिएको छ ।
सुरज अधिकारीको संगीत तथा रविना मगरको शब्द रचना रहेको गीत अञ्जु पन्त र किरण भुजेलले गाएका हुन् । पोखराका रमणीय स्थानमा खिचिएको सिनेमाको सार्वजनिक गीतको भिडिओमा रामजी लामिछानेले कोरियोग्राफी छ।
लभस्टोरी, थ्रिलर र कमेडी जानराको सिनेमामा आयन खड्का, सुशिल पोखरेल, जयनन्द लामा, रमेश अधिकारी, विमला गिरीलगायतले अभिनय गरेका छन् ।
कृष्मा खड्का र इभान सन्जेल पनि बाल कलाकारको भूमिकामा सिनेमामा अभिनय गरेका छन् । यो जयनन्द लामा अभिनित अन्तिम फिल्म हो ।
आगामी चैत १० गते रिलिज हुने फिल्म राम राघव आचार्यको लेखन तथा निर्देशन रहेको छ भने बीना कार्की र सन्तोषकुमार राईले निर्माण गरेका हुन् ।
इभान इन्टरटेनमेन्टको प्रस्तुतिमा निर्माण भएको सिनेमाको सह(निर्मातामा सुदीप पौडेल छन् । सिनेमालाई आरआर फिल्म्सले वितरण गर्न लागेको हो ।