तिम्रो मेरो साथको दोस्रो गीतमा साम्राज्ञीको हट डान्स (भिडियोसहित)

काठमाडौँ । चलचित्र ‘तिम्रो मेरो साथ’को दोस्रो गीत सार्वजनिक गरिएको छ। साम्राज्ञी राज्यलक्ष्मी शाह र पुष्प खड्काको प्रमुख अभिनय गरेको चलचित्रको ‘जोश छ जवानी’को बोलको गीतमा साम्राज्ञीको ग्ल्यामर रुप देख्न सकिन्छ। रामजी लामिछानेको कोरियोग्राफी रहेको भिडियोमा साम्राज्ञीको पार्टी मुडमा कलाकार पुष्प र सन्दीप क्षेत्रीले साथ दिएका छन् ।
योगेश काजी शाहको संगीत रहेको गीतमा रमेश एमके पौडेलको शब्द रचना र योगेश काजी शाहरसारिका घिमिरेको स्वर छ।
रमेश एमके पौडेलको निर्माण र निर्देशन रहेको सिनेमामा सबिर श्रेष्ठको कार्यकारी निर्माण तथा लेखन छ।
पुष्प, साम्राज्ञी र सन्दीपसँगै सिनेमामा इमिली लामा, सरोज खनाल, खड्का बहादुर पुन, दिपिशा केसीलगायतका कलाकारको अभिनय रहेको बताइएको छ।
शिव ढकालले छायांकन गरेको सिनेमामा सुवाष भुसाल र योगेश काजीको संगीत, रामजी लामिछानेको कोरियोग्राफी र भूपेन्द्र अधिकारीको सम्पादन छ।
पुस २९ मा रिलिज हुने सिनेमामा पासाङ लामा, अर्नव पौडेल, आर्यन पौडेलको निर्माण र नीरु भण्डारी, अशोक पोखरेल, सुमन पौडेल, सुधीर पराजुलीको सहनिर्माण छ।
प्रेम कथानक सिनेमाको टिजर र ‘रुमालै बाटेर टाई बनाम’ बोलको गीत सार्वजनिक भइसकेका छन् ।