काठमाडौं । आजदेखि देशभरका सिनेमाघरमा चलचित्र ‘हिजो आजका कुरा’ प्रदर्शनमा आएको छ । शुक्रबार प्रदर्शनअन्तर्गत आजदेखि ‘हिजो आजका कुरा’ प्रदर्शनमा आएको हो । टेलिभिजनमा ‘हिजोआजका कुरा’ हेरेर हुर्किएको नेपाली दर्शकको जमातलाई चलचित्र हिजोआजका कुरा रुचिकर हुनसक्छ ।
पन्त फिल्म प्रोडक्सनको व्यानरमा निर्मित चलचित्रको कथा वरिष्ठ अभिनेता सन्तोष पन्तको हो भने पटकथा सन्दीप किस्नाको छ । रवि सायमीले खिचेको चलचित्रको कार्यकारी निर्माता प्रतिभा पन्त, सहनिर्माता बैकुष्ठप्रसाद उपाध्याय (अशोक) र सचितकुमार मिश्र रहेका छन् । चलचित्रको बुधबार राजधानीमा प्रिमियर शो गरिएको थियो । समसामयिक विषयवस्तुमा पारिवारिक चलचित्र बनेको भन्दै दर्शकले प्रतिक्रिया दिएका थिए । प्रिमियरमा चलचित्रका निर्माता, निर्देशक एवं कलाकार उपस्थित थिए ।
