काठमाडौं । प्रदेश नं। १ का प्रदेश प्रमुख सोमनाथ अधिकारी ‘प्यासी’ले झापा विद्रोहका योद्धा शिवप्रसाद शिवाकोटीको स्मृतिमा प्रकाशित ‘शिवप्रसाद शिवाकोटी झापा विद्रोहका एक कमाण्डर’ नामक संस्मरणात्मक ग्रन्थको आज लोकार्पण गर्नुभएको छ ।
सुखानका शहीद स्मृति दिवसका अवसरमा अर्जुनधाराको शहीद स्मृति पार्कमा आयोजित कार्यक्रममा प्रदेश प्रमुख प्यासीले सो ग्रन्थको लोकार्पण गर्नुभएको हो ।
पञ्चायती शासनको अन्त्य र गरीब किसानको हक स्थापित गर्ने लक्ष्यका साथ २०२८ सालमा झापाका युवा क्रान्तिकारीले शुरु गरेको झापा विद्रोहमा योद्धा शिवाकोटीको योगदान रहेको ग्रन्थका सम्पादक एवं कतारका लागि नेपाली राजदूत नारद भारद्वाजले बताउनुभयो ।रासस
