नेपाली नारीको पर्व तीज आउने लाग्दा नयाँदेखि पुराना संगीतकर्मीहरुले गीत ल्याइरहेका छन् । हरेक वर्षजस्तै वर्ष यस वर्ष पनि बजारमा तीजका भाकाहरु गुन्जिन थालेका छन् । युट्युब च्यानलहरुमा अहिले तीज गीतको बाक्लो उपस्थिति छ । यसै पंक्तिमा सञ्चारकर्मी शारदा थापाले पनि तीज ल्याइन् । संचारकर्मी थापा ‘व्रत बसेर पति पाइँदैन’ बोलको गीत सार्वजनिक भएकी हुन् ।
विगत वर्षमा पनि तीज गीत लिएर आउने गरेकी थापा यसपटक स्वर र शब्दसहित देखापरेकी हुन् । शारदा थापाले यसपटक स्वर शब्द मात्र होइन युट्युब च्यानलसमेत आफ्नै लिएर आएकी छन् । शनिबार थापाको आफ्नै यु–ट्युब च्यानलबाट अपलोड भएको गीतमा श्याम लिम्बूको संगीत र स्वयं शारदाले निर्देशन गरेकी छन् ।
प्रभास मगरको कोरियोग्राफी रहेको यस गीतलाई सञ्जिव पौडेलले छायांकन र सम्पादन रहेको छ । पप आधुनिक गीतहरुमा स्वर दिइसकेकी शारदाको यो तेश्रो तीज गीत हो । नेपाली संचार जगतको सबै विद्या र समाचार बाचन, उद्घोषणमा ख्यति आर्जन गरिसकेकी थापाको यो तीज गीतमा उनी स्वर, शब्द, युट्युब च्यानल मात्र होइन निर्देशनमा समेत उपस्थिति जनाएकी छन् ।
