‘मिस ग्रान्ड इन्टरनेशनल नेपाल’ हुँदै

काठमाडौं, ३ बैशाख । ‘मिस ग्राण्ड इन्टरनेशनल नेपाल–२०१८’ पनि हुने भएको छ । लामो समययता ‘ज्ञानसँगै शिक्षा’ नारा लिएर विभिन्न शैक्षिक प्रतियोगिता गर्दै आइरहेको आरके इन्टरटेन्मेन्ट गु्रपले यो प्रतियोगिता गर्न लागेको हो । सोमबार राजधानीमा पत्रकार भेटघाट गरी आयोजकले ‘मिस नेपाल ग्राण्ड’बारे जानकारी गराएको हो ।
‘मिस ग्रान्ड इन्टरनेशनल नेपाल–२०१८’ का लागि काठमाडौं, पोखरा, बुटवल, चितवन, धरान लगायतका विभिन्न सहरमा अडिसन हुने आयोजक संस्थाले जनाएको छ । ‘मिस ग्रान्ड इन्टरनेशनल नेपाल’ विजेताले नगद एक लाखसहित स्कुटर पाउने जनाइएको छ भने म्यानमारमा हुने ‘मिस ग्रान्ड इन्टरनेशनल–२०१८’ मा नेपालको तर्फबाट प्रतिनिधित्व गर्ने अवसर पाउनेछिन् ।