गायिका तथा मोडल ऋतिका जिरेलको सारीको छेउ मिलाई दिने को होला ? ऋतिका ‘आउन मिलाई देउ सारीको छेउ’ भन्दै आएकी छन् । उनको पछिल्लो समय रिलिज भएको यस गीतमा ऋतिकालाई हट अवतारमा देख्न सकिन्छ ।
ऋतिकाकै स्वर, शब्द र संगीत रहेको यस गीतको भिडियोलाई मदन खड्काले निर्देशन गरेका हुन् । भिडियोमा ऋतिकाका अलावा टंक केसी र उनका साथीहरुको रोमान्स रहेको छ । पछिल्लो समय डान्सिङ गीत तथा भिडियोको क्रेज बढिरहेको बेला ऋतिकाले यो गीत ल्याएकी हुन् । हुन त यसअघि पनि उनले डान्स बीटकै गीत ल्याएकी थिइन् ।
ऋतिकाको यस ‘मिलाई देउ सारीको छेउ’लाई दर्शकले रुचाएका पनि ऋतिकाको सारीको छेउ मात्र नभएर उनको सांगीतिक करिअरले पनि भ्याउ पाउनेछ । यसमा उनी आशावादी पनि छिन् । भन्छिन्, ‘समय सापेक्षित यो गीत तथा भिडियो ल्याएकी हुँ । एकपटक हेरेर आफ्नो प्रतिक्रिया दिनुहोला ।’ दर्शकप्रति उनको आग्रह हो यो ।
https://www.youtube.com/watch?v=O3r_AqRRWr8
