न्यू इयर ईभ : ‘म्युजिक टेम्प्रेशन’ बढाउँदै दीपक, अमृता र मनिषा

आउँदो नयाँ वर्ष अर्थात २०७५ को स्वागत यहाँले कसरी गर्दै हुनुहुन्छ । यदि तपाइँले योजना बनाउनु भएको छैन भने ‘न्यू इयर म्युजिक टेम्प्रेशन’मा रमाउनुस् । जहाँ, प्रथम नेपाली तारा पछिल्लो समयका चर्चित पाश्र्व गायक दीपक लिम्बूका अलावा गायिका अमृता लिम्बू र मनिषा पोखरेल प्रस्तुत हुँदैछन् । उनीहरुले आगन्तुक पहुनाहरुलाई म्युजिक टेम्प्रेशनले तताउनेछन् ।
‘न्यू इयर म्युजिक टेम्प्रेशन’ लाजिम्पाटस्थित सम्पदा गार्डेन होटल एण्ड रिसोर्टमा हुँदैछ । यो वर्षको अन्तिम दिन अर्थात चैत ३० गते साँझ ६ः३० बाट सुरु हुने यस कार्यक्रमको उद्देश्य भनेको नेपालीले नेपालीकै नयाँ वर्ष मनाऊ भन्ने हो । यस कार्यक्रमको आयोजना ‘आरएण्डआर ग्रुप’ले गर्न लागेको हो । जसले फेसन शोलगायत विभिन्न मनोरञ्जनात्मक इभेन्टहरु गर्दै आएको छ । आयोजक संस्थाकी अध्यक्ष मञ्जु श्रेष्ठका अनुसार कार्यक्रममा गायक दीपक लिम्बूले आफ्ना करिब दर्जन गीत प्रस्तुत गर्नेछन् भने गायिका अमृता र मनिषाले पनि आफ्ना चर्चित गीतहरुले पाहुना वर्गलाई मनोरञ्जन दिनुका साथै नयाँ वर्षको स्वागतलाई उल्लासमय बनाउन मरिहत्ते गर्नेछन् ।
‘सांगीतिक कार्यक्रमसहित नेपाली नयाँ वर्ष मनाऊ भन्ने मेरो उद्देश्य हो’ आयोजक संस्थाकी अध्यक्ष मञ्जुले भनिन्, ‘कार्यक्रम विशुद्ध पारिवारिक हुनेछ ।’ यस कार्यक्रममा सहभागी हुनका लागि २५०० फि लाग्नेछ । त्यसका ड्रिंक एण्ड डिनर अनलिमिटेड रहेको छ । अहिले भमाधम टिकल बिक्री भइरहेको आयोजकले जनाएको छ । के तपाइँ पनि आफ्नो सिट सुरक्षित गर्ने हो कि ?