चलचित्र ‘द प्रिन्स’ बन्दै

चलचित्र ‘द प्रिन्स’को बन्ने भएको छ । चलचित्रको सोमबार राजधानीेमा एक कार्यक्रमबीच घोषणा गरिएको हो ।
मदन घिमिरेको निर्देशन र बिष्णु शिवाकोटीको निर्माण रहने यो चलचित्र एनपी फिल्म्स प्रोडक्सनको ब्यानरमा निर्माण हुन लागेको हो । चलचित्रमा सरोज खनाल, प्रिन्स थापा, शिबु शाह, कशिस दाहाल, मनिषा पाण्डे, निशा केसी भण्डारी, महेन्द्र मैनालीलगायतका कलाकारको अभिनय रहने बताइएको छ ।
सम्राट थापाको कथा तथा संगीत रहने यस चलचित्रमा सम्राट बस्नेतको द्वन्द्व, रामशरण उप्रेतिको छायाँकन, कविराज गहतराजको कोरियोग्राफी रहने छ । ‘द प्रिन्स’ आधुनिक परिवेश, प्रेम, रोमान्स, मनोरञ्जनपुर्ण रहनुका साथै घात, बिश्वास घात, त्याग र रहस्यको सेरोफेरोमा चलचित्र बन्ने निर्देशक मदन घिमिरेले बताए । चैत्र ५ गतेबाट छायाँकनमा जाने निर्माणपक्षले जानकारी गराएका छन् ।