‘जाम पारी पारी’ भन्दै केकी–नारायण
काठमाडौ, १० फागुन । टेलिभिजन प्रस्तोता अर्थात भिजे नारायण कडरिया अब गायक बनेका छन् । नारायणले आफ्नै रचनामा ‘जाम पारी पारी’ बोलको गीत गाएका छन् ।
लामो समययता टेलिभिजनमा नेपाली गीत संगीतसम्बन्धि कार्यक्रम प्रस्तुत गर्दै आएका नारायणको उक्त गीतको भिडियो छायांकन गरिएको छ । फोटो पत्रकारितासँगै म्युजिक भिडियो निर्माणमा ब्यस्त बनेका नबिनबाबु गुरुङले भिडियोको निर्देशन गरेका छन् । भिडियोमा नायिका केकी अधिकारी र नारायणलाई फिचरिङ गरिएको छ ।
मकवानपुरको कुलेखानी आसपासमा छायांकन गरिएको नारायणको म्युजिक भिडियोलाई अर्जुन तिवारी एण्ड टीमले छायांकन गरेका छन् भने निशान घिमिरेले सम्पादन गर्ने भएको छ ।
गीत संगीत अनि गायन संगै म्युजिक भिडियोको मोडेलको रुपमा समेत अभिनय गरेका नारायणले यस गीतबाट आफुलाई सांगीतिक क्षेत्रमा स्थापित गराउने आशा राखेको बताए।
म्युजिक भिडियोलाई छिट्टै सार्वजनिक गरिने भन्दै आफ्नो पहिलो प्रस्तुतिलाई नेपाली संगीतका दर्शक(श्रोताले मनपराइदिने गायक नारायणले अपेक्षा गरेका छन्।
