पूर्वब्रिटिस आर्मी तथा याक्थुङ हाक्पारे पालम सयङ, युके सदस्य भीम थेबे ‘सिनामको फेदमा काबेली…’मा रोमान्टिक मुडमा देखिएका छन् । जहाँ भीमले सयङकी केन्द्रीय अध्यक्ष तथा मोडल रुपा आङबुहाङसँग रोमान्स गरेका छन् । यो रोमान्सको मौका भीम आफैले जुराएका हुन् । यी पूर्वब्रिटिस आर्मी पछिल्लो समय सामाजिकसेवासँगै गीति लेखनमा पनि उत्तिकै क्रियाशील छन् । ‘सिनामको फेदमा…’ बोलको यो गीत उनै भीमले लेखेका हुन्
भीमको यस शब्दरचनामा प्रेमभाव छ । जसलाई पछिल्लो समय चर्चामा आइरहेकी गायिका सुनिता थेगिम लिम्बू र संगीत आङ्खेवाले आफ्नो मिठास स्वरमा गाएका छन् । संगीतकै संगीत रहेको यस गीतमा पूर्वेली गाउँठाउँ ओगटेको प्रेमात्मक भाव छ । त्यसैले यस गीतलाई नजिकिँदै गएको प्रेम दिवश अर्थात ‘भ्यालेनटाइन–डे’ मनाउने युवाप्रति समर्पित गरिएको छ ।
लोकेन साँवा लिम्बूको निर्देशन र दिनेश माङ्मुको कोरियोग्राफी रहेको यस भिडियोमा रुपा र भीमका अलावा सैलेन्द्र थेबे र खुश्बु चेम्जोङको पनि अभिनय रहेको छ । पुर्वी पहाडी जिल्ला ताप्लेजुङको विभिन्न रमणीय स्थलहरुमा छायांकन गरिएको यस भिडियोमा कलाकारहरु सिक्वेन्स फेसन हाउस गंगबुले तयार पारेको सुन्दर पहिरनमा देखिएका छन् । यस भिडियोलाई मेगराज मगरातीले खिचेका हुन् । यस गीत तथा भिडियोबाट गीतकार तथा मोडल भीम निकै आशावादी छन् ।
https://www.youtube.com/watch?v=qQhLVqPyQyk&feature=youtu.be
