पर्फमिङ आर्ट क्रियशन र मगर्स क्रियशन प्रालिको संयुक्त प्रस्तुतीमा निर्माण भएको नेपाली चलचित्र ‘शिरफूल’को अहिले धमाधम डबिङ भइरहेको छ । ‘शिरफूल’को निर्देशन कमल एक्चै मगरले गरेका हुन् । चलचित्रमा अधिकांश थिएटर कलाकारको अभिनय देख्न सकिनेछ ।
आर्शीवाद पुनको लगानी रहेको यस चलचित्रमा विनिता मगर, राज थापा, रुपा राना, गायक देव आलेमगर, पुजा गदल, गायिका नीता पुन, नमिता तामाङ, विना थापा, लिला गुरुङ, राजु योगिन, सुनिल मगरलगायतको मुख्य अभिनय छ । हरि लम्सालको संगीत, डिपी खानाल र सन्दीप थापाको गीत रहेको यस चलत्रिलाई निरोज श्रेष्ठले खिचेका हुन् । चलचित्रमा आधुनिकताको बढ्दो प्रभाव सँगै समाजमा देखिएको विकृतिलाई मुख्य विषयवस्तु बनाइएको बताइएको छ । चलचित्रको एउटा गीत छायांकन गर्न बाँकी रहेको पनि निर्देशम कमलले बताए ।
