काठमाडौं । काठमाडौंबाट रामेछाप गइरहेको फोर्स गाडी दुर्घटना हुँदा ५ जनाको घटनास्थलमै मृत्यु भएको छ । गाडी रामेछापको गोकुलगंगा गाउँपालिका–६ सिमलडाँडामा दुर्घटना भएको हो । मृत्यु हुनेमा २ पुरुष, २ जना महिला र एक बच्चा रहेको प्रहरीले जनाएको छ
जिल्ला प्रहरी कार्यालय रामेछापका अनुसार गाडीमा ८ जना सवार रहेकोमा ३ जना घाइतेको उद्धार गरिएको छ । गाडी ३ सय मिटर तल खसेको थियो ।
घाइतेहरुको स्थानीय अस्पतालमा उपचार भइरहेको र मृतकहरूको सनाखत हुन बाँकी रहेको प्रहरीले जनाएको छ । गाडी काठमाडौँबाट रामेछापको बेतालीतर्फ गइरहेको थियो ।
