काठमाडौँ । ललितपुरको भैंसेपाटीमा होस्टलभित्र एक युवक मृत फेला परेका छन् ।
प्रहरीका अनुसार भैंसेपाटीको डीएमआई वाइवल स्कुलको होस्टलमा बसेर अध्ययनरत मोरङका २९ वर्षीय सकुल मर्डी मृत फेला परेका हुन ।
शनिबार बेलुकी ८ बजेतिर होस्टलभित्र उनी आफ्नै बेडमा मृत फेला परेको प्रहरीले जनाएको छ ।
मर्डीको शव पोस्टमार्टमका लागि पाटन अस्पताल लगिएको र थप अनुसन्धान भइरहेको प्रहरीले जनाएको छ ।
