नेपालका प्रख्यात ग्राफिक डिजाइनर, सम्पादक, र VFX कलाकार राकेश दाहाललाई “बुलाकी” चलचित्रको लागि उत्कृष्ट पोस्टर डिजाइनको ७औं सिने सर्कल अवार्ड २०८० प्रदान गरिएको छ।
Novice Art का संस्थापक र मालिक दाहालले यस अघि चौथो ओएस नेपाल म्युजिक अवार्ड जितेका थिए । उनले “तारा,” “घरज्वाई,” “सतीदेवी,” “बलिदान,” “पिताम्बर” लगायतका थुप्रै नेपाली चलचित्रहरूको ग्राफिक डिजाइनको काम गरेका छन् । दाहालले आफ्नो सीप र समर्पणबाट नेपाली चलचित्र उद्योगमा महत्वपूर्ण योगदान दिएका छन् ।
