मुलुकको अवस्थाबारेमा नेताहरुप्रति हाँस्य कलाकारहरुको व्यंग्य

काठमाडौं । गाईजात्राका अवसरमा हाँस्य कलाकारहरुले मुलुकको वर्तमान अवस्थाका बारेमा नेताहरुप्रति व्यङ्ग्य गरेका छन् ।
रिपोर्टर्स क्लब नेपालले शुक्रबार काठमाडौंमा आयोजना गरको गाईजात्राविशेष साक्षात्कार कार्यक्रममा हास्यकलाकार शैलेन्द्र सिम्खडाले पछिल्लो समय नेताहरुले जनता हसाउन र कलाकारहरु पार्टीमा हाम फाल्न थालेको टिप्पणी गरेका छन् । उनले देश सिंगापुरजस्तो भए हाँसो व्यंग्य गर्न नपाइने भन्दै ठट्टा गरेका छन् । आफूहरुको प्रस्तुतिमार्फत समाजमा सकारात्मक सन्देश प्रवाह हुने उनको भनाई छ ।
त्यस्तै, चर्चित हाँस्यकलाकार किरण केसीले देशमा जति आन्दोलन भएपनि जनताको अवस्था पुरानै छ भन्दै नेताहरुप्रति व्यङ्ग गरेका छन् । त्यसैगरी, अर्का कलाकार जितु नेपालले अर्थमन्त्रालयको सिसि क्यामराले फुटेज लुकाएको भन्दै राजनीतिप्रति व्यंग्य गरेका छन् । कलाकार नेपालले शतप्रतिशत बोलेको पु¥याउने एकमात्र नेता केशव स्थापित आज विस्थापित भएको व्यंग्य गरेका छन् ।
त्यस्तै, अर्का कलाकार श्रीकृष्ण सिम्खडाले ‘बादल लाग्दैमा पानी कहाँ झर्छ र, हुरीबतास आएमा कहाँ पानी पर्छ र..?’ बोलको कवितामार्फत सरकारप्रति व्यंग्य गर्नुभयो भने हस्यकलाकार दमन रुपाखेतीले अब आउने चुनावमा ६० वर्ष माथिका नेताहरुलाई उम्मेदवारी नदिन आग्रह गरेका छन् ।