‘हाँसो छैन आँशु मात्र…’ सार्वजनिक   

काठमाडौँ । रेडियो नेपालका मुख्य कार्यक्रम अधिकृत राजनकुमार कार्कीको गीत रचना र वरिष्ठ कार्यक्रम अधिकृत कीर्ति न्यौपानेको संगीतमा ‘हाँसो छैन आँशु मात्र…’को म्यूजिक भिडियो सार्वजनिक भएको छ । गीतमा शिशिर योगीले स्वर र भिडियोमा श्रीदेव भट्टराई र अर्चना रिमाल मुख्य भूमिकामा रहेका छन् भने सहायक भूमिकामा अन्य पात्र र सिनेकर्मी शान्तिप्रियलाई देख्न सकिन्छ ।
म्युजिक भिडियोमा मुलुकमा कामको सम्भावना नदेखेर वैदेशिक रोजगारीमा जाने र सोचेजस्तो उल्लेख्य उपलब्धि हासिल नभएपछि आफ्नै देश फर्किएर सीपमूलक काम गर्न थालेको कथावस्तुलाई देखाइएको छ ।
ओएसआर डिजिटलको अधिकृत यूट्युब च्यानलबाट सार्वजनिक भएको गीतको भिडियोबाट प्राप्त सलामी समाजसेवाका लागि खर्च गरिने गीतकार कार्कीले जानकारी दिनुभयो । सपना लम्सालको सौन्दर्य विन्यास, अजय रेग्मीको छायाङ्कन र टेकेन्द्र शाहको सम्पादन रहेको गीतको भिडियोलाई हेमप्रभास अधिकारीले निर्देशन गर्नुभएको हो ।