ज्योति फिल्मस् म्यूजिक अवार्ड चैत २७ गते

काठमाडौं । दोस्रो ज्योति फिल्मस् म्यूजिक अवार्ड चैत २७ गते आयोजना हुने भएको छ । काठमाडौंको राष्ट्रिय सभागृहमा सम्पन्न हुने अवार्ड समारोहका लागि उत्कृष्ट पाँचको मनोनयन भने गएको आइतबार सार्वजनिक गरिएको थियो ।
नेपालभित्र छरिएर रहेका विविध भाषाका गीतसङ्गीतको उत्थानमा टेवा पु¥याउने उद्देश्यले नियमित आयोजना हुँदै आएको अवार्ड स्रष्टा र सर्जकहरूलाई प्रोत्साहन गर्ने उद्देश्यले नियमित आयोजना हुँदै आएको कार्यक्रमका अध्यक्ष निरेन श्रेष्ठले बताउनुभयो ।
मनोनयनमा परेकामध्येबाट उत्कृष्ट एकलाई अवार्ड समारोहमा पुरस्कृतसमेत गरिने आयोजकले जनाएको छ । आयोजकले एक विज्ञप्तिमार्फत् ३८ विधाका लागि उत्कृष्टमा परेकाहरूको मनोनयन सूची सार्वजनिक गरेको हो ।