‘फेरि पनि ल्याउनु पर्छ केपी ओलीलाई’
‘देशको लागि आज अनि चाहियो भोलिलाई’
प्रधानमन्त्री केपी शर्मा ओलीको विषयमा केन्द्रित यो गीत राष्ट्रियसभा सदस्य तथा गायिका कोमल वलीले गाउनु भएको हो । वलीको यो नयाँ गीत केही दिन अघि मात्र सार्वजनिक भएको छ ।
ओलीको नेतृत्वमा देशको पुरा नक्सा सार्वजनिक भएको भन्दै गीतमा अझै जमिन ल्याउन बाँकी रहेको र समृद्धिको सपना साकार पार्न ओलीको खाँचो परेको उल्लेख छ । गीतमा प्रधानमन्त्रीको नेतृत्वमा ढलेको धरहरा उठेको र राष्ट्रियतासमेत मजमुत बनेको उल्लेख छ ।
गीतमा प्रधानमन्त्री ओलीले नाकाबन्दी डटेर मुकाबिला गरेको र छिमेकीसँगको सम्बन्धपनि समानताको आधारमा बढाएको उल्लेख छ । समृद्धिको संवाहक ओली नै भएको भन्दै गीतमा देशभरका हवाई मैदान आधुनिक बनाउने काममा ओलीको भूमिका रहेको र पूर्वपश्चिम रेलमार्ग ओलीकै नेतृत्वमा सम्पन्न हुने विश्वास गरिएको छ ।
गीतमा फौद बहादुर बस्नेत र ध्रुवराज धितालकोसमेत स्वर रहेको छ भने सङ्गीत ध्रुवराज धितालले दिनुभएको हो । गीतका शब्द फौद बहादुर बस्नेतले लेख्नुभएको हो ।
https://youtu.be/iQ0qRLXmYy4
