काठमाडौं । नुवाकोटको शिवपुरी गाउँपालिका वडा नम्बर–७ सूर्यचौरमा हेलिकप्टर दुर्घटनामा परी मृत्यु भएकाहरुको शव संकलन भइरहेको प्रहरीले जनाएको छ ।
काठमाडौँबाट अपराहन्न १ बजेर १४ मिनेटमा रसुवाको स्याफ्रोबेसीको लागि उडेको एयर डाइनेस्टीको हेलिकप्टर नुवाकोटको सूर्यचौरमा दुर्घटनामा परेको हो । उडेको तीन मिनेटमै हेलिकप्टर सम्पर्कविहिन बनेको थियो ।
हेलिकप्टरमा क्याप्टेनसहित चार जना विदेशी सवार रहेको बताइएको छ । प्रहरीले हेलिकप्टरमा सवार चार यात्रु र चालकको मृत्यु भएको जानकारी दिएको छ ।
प्रत्यक्षदर्शीले हेलिकप्टर रुखमा ठोक्किएर आगो लाग्दै झरेको देखेपछि प्रहरीलाई खबर गरेका थिए ।
घटनास्थलमा पुगेको प्रहरीले १ जना महिला र ४ जना पुरुषको शव निकालेको छ ।
दुर्घटनामा ज्यान गुमाउने पाइलट के मल्ल नेपाली हुन भने अन्य चारजना चिनियाँ नागरिक जुतड ताङ, जेइली, सीयाद वी, जीक्वीङ सी, रहेका छन् ।
