काठमाडौँबाट पोखरातर्फ जाँदै गरेको बस त्रिशूली नदीमा खसेको छ । खस्दा बच्चासहित ३ जनाको ज्यान गएको छ । केही यात्रु घाइते भएका छन् । अहिले घटनास्थलमा प्रहरीको टोली पुगेको छ । अहिलेसम्म घटनाको थप विवरण आउन भन् अझै बाँकि छ अहिले उद्दारको काम भइरहेको छ ।बस सडकबाट करिब १ सय मिटर तल खसेको हो ।
कति जनाको ज्यान गयो भन्ने बारे यकिन भइसकेको छैन । मुग्लिन र कुरिनटारको बिचमा बस खसेको जिल्ला प्रहरी कार्यालय चितवनले जनाएको छ । ना ६ ख २५०६ नम्बरको बसलाई ट्रकले ठक्कर दिएको प्रहरीले जनाएको छ ।
अहिलेसम्म २३ जनाको उद्धार गरिएको छ । अन्य यात्रुको उद्धार जारी रहेको प्रहरी नायव उपरीक्षक प्रभूप्रसाद ढकालले जानकारी दिनुभयो ।
