काठमाडौँ । विश्वकै व्यस्त तेल ढुवानी मार्गमध्येको एक ‘होर्मुज’ पुनः सञ्चालनका लागि अमेरिकी राष्ट्रपति डोनाल्ड ट्रम्पले इरानलाई दिएको समयसीमा घट्दै गएको छ । अब २४ घन्टामात्र बाँकी रहेको छ ।
राष्ट्रपति ट्रम्पले आइतबार आफ्नो सामाजिक सञ्जाल ट्रुथ सोसल मार्फत इरानलाई कडा चेतावनी दिएका हुन्। उनले इरानले बिनासर्त सो जलमार्ग नखोलेमा त्यहाँका ऊर्जा केन्द्र नष्ट गरिदिने धम्की दिएका हुन्।
ट्रम्पले मार्च २१ को राति उक्त पोस्ट गरेका थिए। जसअनुसार इरानलाई यो जलमार्ग खोल्न तेहरानको समयअनुसार मार्च २४ बिहान ३ः१४ बजेसम्मको समय छ।
यता, इरानले पनि अमेरिकी चेतावनीको कडा प्रतिवाद गरेको छ। तेहरानले आफूमाथि आक्रमण भएमा खाडी क्षेत्रमा रहेका अमेरिकासँग सम्बन्धित तेल खानीहरूलाई निसाना बनाउने चेतावनी दिएको छ।
