काठमाडौँ । मानव बेचबिखन तथा ओसारपसारका अभियुक्तलाई प्रहरीले ओमानबाट पक्राउ गरेर ल्याएको छ । इन्टरपोलबाट रेड नोटिस जारी भएका फरार प्रतिवादी बर्दिया बढैयाताल गाउँपालिका २ घर भई काठमाडौँ टोखा नगरपालिका ३ बस्ने विनोद पौडेललाई पक्राउ गरिएको प्रहरीले जनाएको हो ।
एनसीबी अबु मस्कट ओमानको समन्वयमा ओमानमा पक्राउ परेका पौडेललाई कारबाहीका लागि बुधबार नेपाल ल्याइएको प्रहरीले जनाएको छ।
मानव बेचबिखन तथा ओसारपसार मुद्दामा संलग्न रही फरार रहेका उनलाई अन्तर्राष्ट्रियस्तरमा खोजतलास एवम् पक्राउ गर्नको लागि एनसीबी काठमाडौँको अनुरोधमा इन्टरपोल महासचिवालयबाट २०८१ पुस १२ गते रेड नोटिस जारी भएको थियो ।
प्रहरी प्रधान कार्यालयस्थित इन्टरपोल शाखाका अनुसार उनलाई कानुनी कारबाहीको लागि मानव बेचबिखन अनुसन्धान ब्युरोमा बुझाइएको छ ।
