काठमाडौं । काठमाडौंको टुँडिखेलस्थित गोल पोस्टनजिकै एकजना मृत अवस्थामा फेला परेका छन् । काठमाडौं महानगरपालिका– २२ टुँडिखेलस्थित गोल पोस्टनजिकै मकवानपुर घर भएका ४५ वर्षीय बद्रीप्रसाद सिलवाल मृत फेला परेको निजका साथमा रहेको नेपाली नागरिकता प्रमाणपत्रबाट खुलेको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए ।
उनले भने, ‘निजको बायाँ हातको साइडमा सानो चक्कु र बायाँ हातको मुनि रगतको ताल रहेको र प्रहरी वृत्त जनसेवा तथा प्रहरी परिसर काठमाडौंबाट खटिएको प्रहरी टोलीबाट घटनाबारे आवश्यक अनुसन्धान कार्य भइरहेको छ ।’ शव जाँचको प्रकृति मुचुल्का गरी शवपरीक्षणका लागि शिक्षण अस्पताल महाराजगन्ज पठाइएको प्रवक्ता अधिकारीले बताए ।
