ट्रकले स्कुटरलाई ठक्कर दिँदा युवतीको मृत्यु

कास्की । पोखरामा ट्रकको ठक्करबाट एक युवतीको मृत्यु भएको छ । सोमबार साँझ पृथ्वी चोकबाट सृजना चोकतर्फ जाँदै गरेको ग २२ प ७९५ नम्बरको स्कुटरलाई बाग्मती प्रदेश ०३–००१ क २६३ नम्बरको ट्रकले ठक्कर दिँदा दुर्घटना भएको हो ।
दुर्घटनामा स्कुटर चालक तनहुँको म्याग्दे गाउँपालिका–४ की २० वर्षीया वर्षा कुमालको मृत्यु भएको प्रहरीले जनाएको छ।
ट्रकको ठक्करबाट गम्भीर घाइते भएकी कुमालको गण्डकी मेडिकल कलेज पोखरामा उपचारका क्रममा मृत्यु भएको बताइएको छ ।
ट्रक चालकलाई प्रहरीले पक्राउ गरेको बताइएको छ।