काठमाडौँ । प्रधानमन्त्री पुष्पकमल दाहाल ‘प्रचण्ड’ की पत्नी सीता दाहालको आजै अन्त्येष्टि गरिने भएको छ । प्रधानमन्त्री निजीको सचिवालयका अनुसार बुधबार दिउँसो २ बजे पशुपति आर्यघाटमा उनको अन्तिम संस्कार गरिनेछ ।
६९ वर्षीया दाहालको आज बिहान कार्डियाक अरेस्टका कारण निधन भएको हो ।
पार्किन्सन जस्तो देखिने एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पी.एस.पी.)’ बाट पीडित सीता लामो समयदेखि ओछ्यान परेकी थिइन् । आज विहान स्वास्थ्यमा थप समस्या आएपछि नर्भीक अस्पताल लगिएको थियो । अस्पतालमै आज विहान निधन भएको हो ।
अन्तिम संस्कार अघि दाहालको पार्थिव शरीरलाई श्रद्धाञ्जलीका लागि ११ बजेदेखि १ बजेसम्म नेकपा माओवादी केन्द्रको केन्द्रीय कार्यालय पेरिसडाँडामा राखिने बताइएको छ ।

• प्रधानमन्त्री दाहालपत्नी सीताको निधन