काठमाडौँ । आइतबार आफ्नो विमान पोखरामा दुर्घटनामा परेपछि यती एयरलाइन्सले सोमबार हुने सबै उडान रद्द गरेको छ ।
कम्पनीका अनुसार माघ २ गते अर्थात् भोलिका सबै उडान रद्द भएका हुन् । काठमाडौंबाट पोखरामा उडान भरेको जहाज दुर्घटना भएसँगै उडान रद्द भएका हुन् ।
९एन एनसी एटीआर ७२ ५०० विमानमा परी ज्यान गुमाउने यात्रुहरुको शोकमा निर्धारित सबै नियमित उडान रद्द गरिएको एयरलाइन्सले जनाएको छ ।
एयरलाइन्सले आपत्कालीन र उद्धारका उडानहरु भने सुचारु हुने बताएको छ।
