कक्षा १२ को परीक्षा जेठ २६ देखि हुने

काठमाडौँ । यस वर्षको कक्षा १२ को परीक्षा आगामी जेठ २६ देखि हुने भएको छ । राष्ट्रिय परीक्षा बोर्डको मंगलबार बसेको बैठकले यस्तो निर्णय गरेको हो ।
यसअघि बोर्डले नै सञ्चालन गर्दै आएको कक्षा ११ को परीक्षा भने यसपालि सम्बन्धित स्कुलले नै लिने गरी जिम्मा लगाइएको छ ।
त्यसैगरी एसईई चैतमै हुँदै आएकामा यसपालि कोरोना महामारीका कारण कक्षा प्रभावित भएकाले जेठ १३ देखि २४ गतेसम्म सञ्चालन हुने भएको छ । सरकारले यस वर्षको शैक्षिक सत्र जेठसम्म कायम गरेको छ ।