यति समूहद्वारा कोरोना कोषमा एक करोड सहयोग

काठमाडौं । कोरोना भाइरस (कोभिड–१९)को संक्रमणले नेपाल लगायत विश्वनै ठप्प बनेको यस घडीमा माहामारीलाई रोकथाम तथा न्यूनीकरण गर्न नेपाल सरकार लागि परेको अवस्था छ । नेपाली जनताको जीवन रक्षाका लागि चालिएको सरकारको कदमलाई एक राष्ट्रिय व्यवसायिक समूह ‘यती समूह’ले एक करोड सहयोग गरेको छ ।
कोरोना भाइरसको रोकथामका लागि यती समूहका लगानीकर्ताहरुको तर्फबाट आज यती समूहका अध्यक्ष लाक्पा सोनाम शेर्पाले कोरोना संक्रमण रोकथाम, नियन्त्रण तथा उपचार कोषमा रु. १,००,००,०००।– (अक्षरुपी एक करोड रुपैयाँ) को चेक हस्तान्तरण गर्नु भएको हो ।
यति समूहद्वारा जारी विज्ञप्तिमा भनिएको छ “व्यवसाय ठप्प छ, अर्थतन्त्र ओरालो लागेको अवस्था छ, तर व्यवसायभन्दा पनि देश र जनताको पक्षमा ‘यती समूह’ उभिएको जानकारी गराउँदै यस्ता सहयोग निरन्तर जारी राख्ने प्रतिवद्धता समेत व्यक्त गर्दछांै । माहामारी न्यूनीकरण तथा रोकथाम गर्ने महाअभियानमा हाम्रो तर्फबाट गरिएको योे सानो सहयोग फलदायी हुने विश्वास लिएका छौं ।”