काठमाडौं । एनआईसी एशिया बैकमा घरबाटै निशुल्क खाता खोल्न सकिने भएको छ । सरकारले लकडाउनको समय चैत २५ सम्म थप गरी कडाइका साथ लागु गरेपछि बैंकले घरैबाट निःशुल्क अनलाईन खात खोल्ने सुविधा दिएको हो ।
यसले गर्दा खाता खोल्न बैंकको शाखासम्म पुग्ने समयको बचतसँगै ग्राहकहरुलाई सहज पनि भएको छ । बैंकका अनुसार निम्न आठ चरणमा घरबाटै निःशुल्क खाता खोल्न सकिने छ । यस अन्र्तगत पहिलो चरणमा निःशुल्क अनलाइन खाता खोल्नको लागि सबैभन्दा पहिले बैंकको आधिकारिक वेबसाइटमा जानुपर्छ । एनआईसी एशिया बैंकको आधिकारिक वेबसाइट एनआईसी एशिया बैंक डटकम जुनसुकै ब्राउजरबाट खोल्न सकिनेछ । दोस्रो चरणमा बैंकको वेबसाइट खुलिसकेपछि त्यहाँबाट बैङ्कको बारेमा विभिन्न जानकारी लिन सक्नुहुनेछ । तर, अनलाइन खाता खोल्नको लागि भने दोस्रो चरणमा वेबसाइटको दायाँ कुनामा रहेको ‘अप्लाई नाउ’ मा क्लिक गर्नुपर्छ। त्यसपछि आएका तीन विकल्पमध्ये अनलाइन अकाउन्ट ओपनिङ छान्नुहोस् ।
तेस्रो चरणमा बैंकले दुबै मुद्दती खाता र बचत खाता अनलाइन खोल्न सकिने सुविधा दिएको छ । तपाईं कुन बचत खाता वा मुद्दती खाता कुन खोल्न चाहनुहुन्छ सोही खाता छनोट गर्नुहोस् । चौंथो चरणमा बचत खाता खोल्न चाहनुहुन्छ भने पनि त्यसभित्र तपाईंले न्यू सुपर चमत्कारिक नारी बचत खाता, न्यु सुपर चामत्कारिक जेष्ठ नागरिक बचत खाता, न्यु सुपर चमत्कारिक बचत खाता, न्यु सुपर चामत्कारिक बाबुनानी बचत खाता र न्यु सुपर चमत्कारिक वैदेशिक रोजगार बचत खाताहरुमध्ये कुनै एउटा खाताको छनोट गर्नुपर्छ ।
खाताको बारेमा तथा खाताका अन्य विशेषताहरु जान्न मन लागेमा ‘भिउ डिटेल्स’ मा जान सक्नुहुनेछ । यसअघि नै आफूले खोल्ने खाताबारे तय भइसकेको छ भने तल रहेको अप्लाई अनलाइन मा क्लिक गर्न सकिने बैंकले जनाएको छ । त्यसपछिको चरणमा यसअघि बैंकमा खाता भएरनभएको पक्का गर्नुपर्छ। त्यसपछि तपाईंले ‘एसेप्ट द ट्रम एण्ड कन्डिसन अफ एनआइशी एशिया बैङ्कमा क्लिक गर्नुपर्नेछ ।
त्यसभन्दा मुनि अनलाइन खाता खोल्न आवश्यक कागजातहरुको बारेमा जानकारी राखिएको छ । नेपाली नागरिकको हकमा अनलाइन खाता खोल्नको लागि पीपी साइजको एउटा फोटो, नागरिकताको प्रमाणपत्रको फोटोकपी र विदेशी मुद्राको खाता खोल्दा भने विदेशी मुद्रा आम्दानीको स्रोत पनि देखाउनुपर्छ । विदेशी नागरिकको हकमा भने यस बाहेक भिसा मिति सहितको पासपोर्ट र एनआरएनको कार्ड पनि आवश्यक पर्छ । त्यसपछि एनआईसी एशिया बैंकको शर्तहरुमा मञ्जुरी जनाइसकेपछि कम्प्यूटरमा एउटा फर्म देखापर्छ । उक्त फर्ममा आफ्नो नागरिकतामा भए बमोजिमको नाम, वतन, फोन नम्बर, जन्ममिति आदि भर्नुपर्ने हुन्छ । यो सँगै फर्मको दायाँ भागमा रहेको सिल्भर, गोल्ड र डाइमण्डमध्ये कुनै एउटा खाता छनोट पनि गर्नुपर्छ । फर्ममा आवश्यक सबै तथ्य भरिसकेपछि अन्तमा रहेको प्रोसेसमा क्लिक गर्नुहोस् ।
अन्त्यमा यसरी फर्ममा दिएको सूचना सबै सही छ भने खाता खुलेको जानकारी पाउन सकिन्छ । फर्ममा उल्लेख गरेको इमेल ठेगानामा खाता खुलेको आधिकारीकता दिने कोर्ड आउनेछ । यसरी घरैभित्र बसेर खाता खोल्दा बैङ्कसम्म पुग्ने समय लाग्ने समयको पनि बचत हुन्छ । त्यसपछि घरबाटै मोबाइल बैकिङ्ग तथा इन्टरनेट बैङ्किङ जस्ता डिजिटल बैकिङको सुविधा समेत लिन सकिनेछ ।
यस कठिन परिस्थितिमा आफ्ना ग्राहक महानुभावहरूको सुविधालाई मध्यनजर गर्दै एनआईसी एशिया बैंकले सबै विद्युतीय बैङ्किङ माध्यमबाट हुने अन्तर बैक रकम स्थानान्तरण, बिजुली महसुल, खानेपानी महसुल, हवाइ टिकट, ईन्टरनेट सेवा, बीमा तथा टेलिफोन शुल्क लगायतका भुक्तानीहरू निःशुल्क गर्न सकिने सुविधा दिएको छ ।
