तरकारीखेतीमा युवा

“बर्सेनि रु दुई लाख ५० हजारभन्दा बढी आम्दानी हुन्छ,” उहाँले भन्नुभयो– “यसै आम्दानीले घरखर्च चलेको छ ।”

यस्तै, स्थानीय यामबहादुर राईले १० कठ्ठा जग्गामा तरकारीखेती गर्नुभएको छ । उहाँले वार्षिक रु तीन लाख आम्दानी गर्न सफल हुनुभएको छ । तरकारीकै आम्दानीले उहाँले घरखर्च धान्नुका साथै छोराछोरीको पढाइलाई अगाडि बढाउन सक्नुभएको छ ।

जिल्ला कृषि विकास कार्यालयका अनुसार जिल्लामा अहिले ३७ हजार २०० हेक्टर जग्गामा तरकारीखेती उत्पादन भइरहेको छ । हिउँदे ३१ हजार २०० हेक्टर, बर्खे पाँच हजार हेक्टर तथा बेमौसमी करिब एक हजार हेक्टर जग्गामा तरकारीखेती हुने गरेको छ । बेमौसमी तरकारी प्रतिहेक्टर १३ मेट्रिक टन, हिउँदे १८ देखि २० मेट्रिक टन तथा बर्खे १६ मेट्रिक टन उत्पादन हुने गरेको कार्यालयका प्राविधिक शालिकराम भट्टराईले बताउनुभयो ।