काठमाडौं । फिफा विश्वकप २०२६ अन्तर्गतको रोमाञ्चक क्वार्टरफाइनलमा अर्जेन्टिना र स्विट्जरल्यान्डबीचको प्रतिस्पर्धा १–१ गोलको बराबरीमा जारी छ। स्विट्जरल्यान्ड एक खेलाडी कम हुँदा पनि अर्जेन्टिनामाथि दबाब बनाइराखेको छ ।
अर्जेन्टिनाले खेलको सुरुआतमै अग्रता बनाएको थियो । १०औँ मिनेटमा कप्तान लियोनेल मेसीले दिएको सटिक पासलाई एलेक्सिस म्याक एलिस्टरले गोलमा परिणत गर्दै टोलीलाई १–० को अग्रता दिलाए ।
पहिलो हाफमा खेल नियन्त्रणमा राखेको अर्जेन्टिनाले दोस्रो हाफमा भने आफ्नो लय कायम राख्न सकेन । त्यसको फाइदा उठाउँदै स्विट्जरल्यान्डले ६७औँ मिनेटमा खेलमा पुनरागमन गर्यो। रिकार्डो रोड्रिगेजको उत्कृष्ट पासमा डान न्डोएले गोल गर्दै खेल १–१ को बराबरीमा ल्याउनुभयो ।
तर बराबरी गोलको पाँच मिनेटपछि स्विट्जरल्यान्डलाई ठूलो धक्का लाग्यो । टोलीका मुख्य स्ट्राइकर ब्रिल एम्बोलोले दोस्रो पहेँलो कार्ड पाएपछि रातो कार्डसहित मैदान छाड्न बाध्य हुनुभयो । त्यससँगै स्विट्जरल्यान्ड बाँकी समय १० खेलाडीमा सीमित रह्यो ।
