काठमाडौँ— राष्ट्रिय सभाको सोमबार बसेको बैठकले निर्वाचन र विशेष सेवासँग सम्बन्धित तीनवटा अध्यादेशहरू सर्वसम्मतिले स्वीकृत गरेको छ।
सिंहदरबारमा आयोजित बैठकमा गृहमन्त्री ओमप्रकाश अर्यालले प्रस्तुत गरेका तीनवटा अध्यादेशलाई सभाले अनुमोदन गरेको हो। स्वीकृत भएका अध्यादेशहरूमा निम्न रहेका छन्:
– मतदाता नामावली (संशोधन) अध्यादेश, २०७३
– निर्वाचन (पहिलो संशोधन) अध्यादेश
– नेपाल विशेष सेवा (दोस्रो संशोधन) अध्यादेश
प्रतिवेदनहरू पेस र छलफल बैठकमा अध्यादेशहरू स्वीकृत हुनुका साथै विभिन्न संसदीय समितिका प्रतिवेदनहरू समेत प्रस्तुत गरिएका छन्। सार्वजनिक नीति तथा प्रत्यायोजित विधायन समितिका सभापति मायाप्रसाद शर्माले ‘अध्यागमन ऐन, २०४९ र सो अन्तर्गत बनेका प्रत्यायोजित विधायनसम्बन्धी अध्ययन प्रतिवेदन २०८२’ सभामा पेस गर्नुभयो।
त्यसैगरी, विकास, आर्थिक मामिला तथा सुशासन समितिका सभापति कमला पन्तले ‘राष्ट्रिय सदाचार नीतिसम्बन्धी अध्ययन प्रतिवेदन, २०८२’ माथि छलफल गरियोस् भनी प्रस्ताव प्रस्तुत गर्नुभएको थियो। सो प्रतिवेदनमाथि सभामा विस्तृत छलफल समेत भएको छ।
अर्को बैठक माघ २३ गते सोमबारको कार्यसूची सकिएसँगै राष्ट्रिय सभाको अर्को बैठक आगामी माघ २३ गते शुक्रबारका लागि बोलाइएको छ।
