काठमाडौं । राष्ट्रपति रामचन्द्र पौडेलसमक्ष महान्यायाधिवक्ताको कार्यालयको आर्थिक वर्ष २०८१/०८२ को वार्षिक प्रतिवेदन पेस गरिएको छ।
राष्ट्रपति भवन शीतल निवासमा सोमबार आयोजित कार्यक्रममा महान्यायाधिवक्ता सबिता भण्डारीले राष्ट्रपति पौडेललाई उक्त प्रतिवेदन बुझाएकी हुन्।
राष्ट्रपति कार्यालयका अनुसार नेपालको संविधानको धारा १५९ बमोजिम आर्थिक वर्ष २०८१/०८२ को महान्यायाधिवक्ताको वार्षिक प्रतिवेदन पेस गरिएको हो। सो अवसरमा महान्यायाधिवक्ता भण्डारीले प्रतिवेदनको सारसंक्षेपसमेत प्रस्तुत गरेकी थिइन्।
