काठमाडौं । यही फागुन २१ गते हुने प्रतिनिधिसभा सदस्य निर्वाचनका लागि नेपाली कांग्रेसले समानुपातिकतर्फको बन्द सूची निर्वाचन आयोगमा बुझाएको छ ।
निर्वाचन आयोगले समानुपातिक बन्दसूची बुझाउने समयसीमा सोमबार (पुस १४) सम्म तोकेको थियो । सोही समयसीमाअन्तर्गत कांग्रेसका नेता मीनबहादुर विश्वकर्मालगायत पार्टी प्रतिनिधि आयोग पुगेका हुन् ।
यसअघि आजै बसेको कांग्रेस कार्यसम्पादन समिति बैठकले सातै प्रदेशबाट प्राप्त समानुपातिकतर्फको बन्दसूची अनुमोदन गरेको थियो ।
अनुमोदनपछि पार्टीले आयोगमा सूची दर्ता गराएको हो ।
