काठमाडौं । अशोक राई नेतृत्वको जनता समाजवादी पार्टी (जसपा) का बागमती प्रदेश अध्यक्ष जयप्रसाद गोले नेकपा एमालेमा प्रवेश गरेका छन्।
भक्तपुरको गुण्डुस्थित अध्यक्ष केपी शर्मा ओलीको निवासमा आयोजित एक अनौपचारिक कार्यक्रममा गोलेले एमाले प्रवेश गरेका हुन्। उनलाई स्वयं अध्यक्ष ओलीले पार्टीमा स्वागत गरेका थिए।
जसपा विभाजनपछि आफूले त्यो पार्टी त्यागेको बताउँदै गोले एमालेमा सक्रिय रूपमा लाग्ने घोषणा गरेका छन्।
