काठमाडौं । मधेश प्रदेशका नवनियुक्त मुख्यमन्त्री सरोजकुमार यादवले वाध्यात्मक परिवेशमा बाटोमै शपथ लिनु परेको प्रष्टिकरण दिएका छन् ।
सोमबार साँझ जनकपुरधाममा सञ्चारकर्मीसँग कुरा गर्दै मुख्यमन्त्री यादवले प्रदेश प्रमुख सुमित्रा सुवेदी भण्डारी बिरामी भएर काठमाडौं हिँडेपछि प्रदेशको र अहिलेको अवस्थालाई मध्यनजर गरेर बाटोमै शपथ ग्रहण गर्नुपरेको बताए ।
आफ्नो नियुक्ति संवैधानिक भएको दावी गर्दै उनले भने, ‘प्रदेश प्रमुख बिरामी भएर काठमाडौं हिँडिसक्नुभयो भन्ने थाहा पाएपछि मैले फोन गरें( माननीय प्रदेश प्रमुख ज्यु तपाईं मलाई शपथ नखुवाई जान सक्नुहुन्न । म त बिरामी भएँ, कार्यवाहक मुख्यमन्त्रीज्युलाई भनेको छु भन्नुभयो । नियुक्ति दिने अनि शपथ नगराउने रु शपथग्रहण गराएर जानुपर्यो । तपाईं कहाँ हुनुहुन्छ, त्यहीँ आउँछु, त्यहीँ शपथ ग्रहण गराउनुस् भन्ने परिवेशमा भएको शपथ ग्रहण हो ।’
नवनियुक्त मुख्यमन्त्रीले शपथग्रहण नगरेसम्म कार्यवाहक मुख्यमन्त्री नै नेतृत्वमा रहने भएकाले अहिलेको स्थितिलाई हेरेर शपथ ग्रहणका लागि आफू बाटोमै पुगेको मुख्यमन्त्री यादवले बताए ।
मुख्यमन्त्रीको शपथ ग्रहण एकै ठाउँमा हुनुपर्छ भन्ने जरुरी नरहेको तर्क गर्दै नवनियुक्त मुख्यमन्त्री यादवले भने ‘सतिश सिंहजीको शपथ ग्रहण कहाँ भएको थियो रु सरोज यादवजीको शपथग्रहण कहाँ भएको थियो रु मुख्यमन्त्रीजीको कार्यालय अगाडि पट्टि भएको होइन रु’ प्रश्न गर्दै उनले भने, ‘त्यो भन्दा अघिल्लो मुख्यमन्त्रीजीको कहाँ भएको थियो रु प्रदेश कार्यालयमा भएको थियो । तीन जना मुख्यमन्त्रीको शपथग्रहण फरक–फरक ठाउँमा भएकै हो त । एकै ठाउँमा हुनुपर्ने जरुरी छैन नि ।’
संविधानको धारा १६८को उपधारा २ बमोजिम मुख्यमन्त्री नियुक्त भएका लोसपा नेता जितेन्द्र सोनलले विश्वासको मत पाउने स्थिति देखेर कात्तिक २२ गते प्रदेश सभामा राजीनामा घोषणा गरेपछि प्रदेश प्रमुख सुमित्रा सुवेदी भण्डारीले सबैभन्दा ठूलो दलको हैसियतमा एमाले दलका नेता सरोजकुमार यादवलाई मुख्यमन्त्री नियुक्त गरेकी थिइन् ।
मधेश प्रदेशका दलका नेता र राजनीतिक विश्लेषकहरुले संघीयता नै खतरामा पार्ने खेल खेलेको भन्दै प्रदेश प्रमुखको आलोचना गरेपछि मुख्यमन्त्री यादवले बाध्यात्मक अवस्थामा बनेको मुख्यमन्त्रीबाट संविधान, राष्ट्रियता, राष्ट्रिय अखण्डता र संघीय लोकतान्त्रिक गणतन्त्रमा कुनै आघात नहुने स्पष्ट पारेका छन् ।
स्वास्थ्य उपचारका लागि काठमाडौं जान्छु भनेर हिँडेकी प्रदेश प्रमुख सुवेदीले महोत्तरीको बर्दिबास नगरपालिका ३ स्थित पानस होटलमा सोमबार बिहान झिसमिसेमा यादवलाई मुख्यमन्त्री पदको शपथ ग्रहण गराएकी थिइन् ।
यसको चौतर्फी आलोचना भएपछि सोमबार बेलुका बसेको मन्त्रिपरिषद बैठकले सुवेदीलाई पदबाट हटाउँदै उनको स्थानमा सुरेन्द्र लाभ कर्णलाई नियुक्त गर्न सिफारिस गर्ने निर्णय गरेको छ ।
