काठमाडौँ । गोरखा मिडिया नेटवर्कका तत्कालीन सञ्चालक छविलाल जोशीलाई सहकारी ठगी प्रकरणमा थुनामा पठाउने रुपन्देही जिल्ला अदालतको आदेश उच्च अदालतले सदर गरेको छ ।
उच्च अदालत तुलसीपुरको बुटवल इजलासले शुक्रबार जिल्ला अदालतको आदेशलाई यथावत् राख्दै जोशीलाई थुनामा पठाउनुपर्ने निर्णय सुनाएको हो ।
उक्त मुद्दामा जिल्ला अदालतको आदेशविरुद्ध जोशीले उच्च अदालतमा पुनरावेदन गर्दै धरौटीमा रिहाइको माग गरेका थिए । तर, न्यायाधीशद्वय रमेश ढकाल र स्वीकृति पराजुलीको संयुक्त इजलासले पुनरावेदन खारेज गर्दै उनलाई थुनामा राख्ने आदेश कायम राखेको हो ।
यससँगै सोही प्रकरणमा संलग्न भनिएका रास्वपाका सभापति रवि लामिछानेलाई भने जिल्ला अदालतले धरौटीमा रिहा गर्ने आदेश दिएको थियो । तर, सो आदेश उच्च अदालतले बदर गर्दै लामिछानेलाई पुर्पक्षका लागि थुनामा राख्न आदेश दिएको छ ।
रवि लामिछानेले जिल्ला अदालतको आदेशविरुद्ध उच्च अदालतमा पुनरावेदन दर्ता गर्दै थुनामुक्त हुने प्रयास गरेका थिए । तर, उच्च अदालतले पुनरावेदन अस्वीकार गरेसँगै अब उनलाई पुर्पक्षका लागि जेल चलान गरिनेछ ।
