काठमाडौं । शोक प्रस्ताव पारित गर्दै प्रतिनिधिसभाको हिउँदे अधिवेशन आजबाट अन्त्य भएको छ । मंगलबार बसेको प्रतिनिधिसभा बैठकले राप्रपाका सांसद तथा पूर्वमन्त्री दीपक बोहराको निधनमा सर्वसम्मतिले शोक प्रस्ताव पारित गरेसँगै चालु अधिवेशन अन्त्य भएको हो ।
प्रतिनिधिसभा निर्वाचनमा रुपन्देही–३ बाट निर्वाचित सांसद बोहोराको मंगलबार विहान निधन भएको थियो ।
त्यस्तै संघीय संसद्को दुवै सदनको अधिवेशन आज रातिदेखि १२ बजेदेखि अन्त्य हुँदैछ । राष्ट्रपति रामचन्द्र पौडेलले सरकारको सिफारिसमा राति १२ बजेदेखि लागू हुने गरी अधिवेशन अन्त्य गरेका हुन् । सभामुख देवराज घिमिरेले राष्ट्रपतिबाट प्राप्त पत्र वैठकमा पढेर सुनाएका थिए ।
