काठमाडौं । रोचक प्रतिस्पर्धा छिचोलेर त्रिभुवन विश्वविद्यालय केन्द्रीय क्याम्पस कीर्तिपुरको स्ववियु सभापतिमा नेविसंघका दिपक राज जोशीले बाजी मारेका छन् ।
सोमबार भएको निर्वाचनमा उनी सभापतिमा निर्वाचित बनेका हुन् । अनेरास्ववियुका उम्मेदवार सिद्धान्त भट्टसँग उनको रोचक भिडन्त भएको थियो ।
जोशी ८ मतान्तरले निर्वाचित बने । ७८९ मतसहित उनी विजयी हुँदा अनेरास्ववियुका सिद्धान्त भट्टले ७८१ मत प्राप्त गरे ।
तेस्रोमा क्रान्तिकारीका प्रविन दाहालले ७२७ ल्याए भने स्वतन्त्र उम्मेदवार उज्जवल खड्काले ७१७ मत ल्याएका छन् ।
जम्मा ३११८ मत खसेको थियाे ।
सभापति बाहेक सबै पदमा भने अनेरास्ववियु विजयी बनेको छ ।
सचिवमा हिक्मत कुमार बुढा र कोषाध्यक्षमा सञ्च माया सुब्बा निर्वाचित बनेका छन् । सदस्यहरुमा पनि अनेरास्ववियुका उम्मेदवार विजयी बनेका छन् ।
