काठमाडौं । प्रधानमन्त्री केपी शर्मा ओलीले चैत १५ गते तीनकुनेमा भएका गतिविधि निन्दनीय र खेदजनक भएको बताउँदै संलग्न जोसुकै भए पनि कारबाही गर्ने बताएका छन् । सोमबार प्रतिनिधिसभा बैठकमा सम्बोधन गर्दै प्रधानमन्त्री ओलीले राजावादीको प्रदर्शनका कारण भएको क्षतिलाई लिएर पूर्वराजाले उन्मुक्ति पाउन नहुने बताएका छन् ।
पूर्वराजालाई उन्मुक्ति नदिने बताएपछि राप्रपाका सांसदले प्रधानमन्त्री ओलीको विरोध गरेका थिए । त्यसपछि रिसाउँदै ओलीले भने, ‘व्यवस्था मास्ने कुरा मैले यहाँ उठाएको छु । सबैले संविधान र व्यवस्था मान्नुपर्छ । हल्ला गरेको भरमा हुँदैन । आपराधिक घटनामा कसैले पनि उन्मुक्ति पाउनुहुन्न । पूर्वराजाले पनि पाउनुहुन्न ।’
तयस्तै प्रधानमन्त्री ओलीले सोही दिन समाजवादी मोर्चाले गरेको कार्य शान्तिपूर्ण भएको भन्दै आयोजक दलहरूलाई धन्यवाद समेत दिएका छन् ।
