काठमाडौं । प्रधानमन्त्री केपी शर्मा ओलीले बोलाएको गणतन्त्र पक्षधरहरूको बैठक सुरु भएको छ ।
सिंहदरबारस्थित प्रधानमन्त्री तथा मन्त्रिपरिषद् कार्यालयमा बैठक सुरु भएको हो ।
बैठकमा संसदको चौथो र पाचौं ठूला दल राप्रपा र रास्वपालाई बोलाइएको छैन । आफूलाई राजावादी कित्तामा राखेको राप्रपालाई गणतन्त्र पक्षधर दलहरुको बैठकमा नबोलाइएको भए पनि गणतन्त्र पक्षधर भनिएको रास्वपालाई पनि बैठकमा नबोलाइएको बुझिएको छ ।
बैठकमा पछिल्लो समसामयिक राजनीति, गत शुक्रबार राजावादी समूहले गरेको हिंसात्मक प्रदर्शन, संसदमा जारी अवरोध लगायतका विषयमा छलफल हुने बताइएको छ ।
