काठमाडौँ । प्रधानमन्त्री केपी शर्मा ओलीसँग इटलीका राष्ट्रिय फुटबल टिमका पूर्वकप्तान जियानलुइजी बुफनबीच भेट गरेका छन् ।
राष्ट्रिय युवा संघ नेपालको आयोजनामा जारी तेस्रो केपी ओली कप फुटबल च्याम्पियनसिपको समापन कार्यक्रमका प्रमुख अतिथिका रुपमा सहभागी हुन नेपाल आएका अन्तर्राष्ट्रिय गोलरक्षक बुफनले आज विहान प्रधानमन्त्री निवास वालुवाटार पुगेर प्रधानमन्त्री ओलीसँग भेट गरेका हुन ।
भेटका अवसरमा प्रधानमन्त्रीपत्नी राधिका शाक्य, प्रधानमन्त्रीका मुख्य सल्लाहकार विष्णुुप्रसाद रिमाल, नेपाल सरकारका मुख्यसचिव एकनारायण अर्याल, अखिल नेपाल फुटबल संघका अध्यक्ष पंकज राई, राष्ट्रिय युवा संघ नेपालका अध्यक्ष क्षितिज थेबे, बुफनका परिवारका सदस्यलगायत सहभागी थिए ।
यही फागुन ११ गतेदेखि सुरु भएको च्याम्पियनसिप आज साँझ दशरथ रंगशालामा समापन हुँदै छ ।
