काठमाडौं । नेकपा माओवादी केन्द्र निकट विद्यार्थी संगठन अखिल क्रान्तिकारीको नेतृत्व चयनका लागि भएको मतदान सकिएको छ ।
२३औं सम्मेलनबाट सर्बसम्मत नेतृत्व चयन हुन नसक्दा अध्यक्षसहित पदाधिकारी र केन्द्रीय सदस्यका लागि आज मतदान भएको हो ।
२ हजार ३ सय ९८ प्रतिनिधि रहेकोमा १ हजार ९ सय २२ मत खसेको बताइएको छ । आजै रातिबाट मतगणना शुरु हुने र भोलि बिहानसम्ममा अन्तिम मतपरिणाम आउने बताइएको छ ।
अखिल क्रान्तिकारीमा १ अध्यक्ष, ९ उपाध्यक्ष, १ महासचिव, ९ उपमहासचिव, १२ सचिव र १ कोषाध्यक्ष गरी ३३ पदाधिकारी, ४८ सदस्यीय सचिवालय र १६२ केन्द्रीय सदस्य चयन हुनेछन् ।
