विराटनगर । विराटनगरका पुराना वाम बुद्धिजीवी प्राध्यापक डाक्टर मेदिनीप्रसाद शर्मा नेकपा माओवादी केन्द्र छाडेर नेकपा एमालेमा प्रवेश गरेका छन् ।
उनी नेकपा एमाले कोशी प्रदेश कमिटीको पाँचौँ विस्तारित बैठकका अवसरमा एमालेमा प्रवेश गरेका हुन् । विराटनगरस्थित पोस्टग्राजुयट क्याम्पसका प्राध्यापक डाक्टर शर्मा इतिहास र साहित्यका अग्रज व्यक्तित्व हुन् ।
उनलाई एमाले केन्द्रीय उपाध्यक्ष गुरु बराल, एमाले स्थायी कमिटी सदस्य तथा कोसी प्रदेश इन्चार्ज शेरधन राई, पार्टीका स्थायी कमिटी सदस्य भानुभक्त ढकाल, कोसी प्रदेशका मुख्यमन्त्री तथा एमाले स्थायी कमिटी सदस्य हिक्मत कार्कीसहितको उपस्थितिमा एमालेमा स्वागत गरिएको छन ।
शर्माले माओवादी विघटनको संघारमा रहेकाले एमालेमा प्रवेश गरेको बताएका छन् ।
एमाले कोसी प्रदेशको पाँचौँ बैठकले प्रत्येक पालिकाको वडा तहसम्म पार्टी नेता कार्यकर्ता पुग्ने गरी तीन महिना जरा अभियान सञ्चालन गर्ने योजना पास गराएको छ ।
माघदेखि चैतसम्म सञ्चालन हुने अभियान परिचालन गर्ने गरी पार्टी कोसी प्रदेश अध्यक्ष घनश्याम खतिवडाले अभियान योजनाको प्रस्ताव भएको र संगठनात्मक कामको प्रस्ताव पार्टी कोसी सचिव राजकुमार भण्डारीले प्रस्तुत गरिएको प्रचार तथा प्रकाशन विभाग उपप्रमुख भीम ज्वाला राईले जानकारी दिएका छन् ।
भियानको अवधारणा र परिभाषित कामबारे आइतबार नै हुने अभिमुखीकरणमा प्रदेशमा रहेका केन्द्रीय नेता, प्रदेश कमिटी, जिल्ला कमिटीका पदाधिकारी र जनसंगठनका केन्द्रीय पदाधिकारी सहभागी हुने राईले जानकारी दिएका छन् ।
