झापा । नेकपा एमालेका अध्यक्ष एवम् प्रधानमन्त्री केपी शर्मा ओली दुईदिने गृहजिल्ला भ्रमणका लागि आज झापा आउने भएका छन् ।
जिल्लामा आयोजना गरिने विभिन्न कार्यक्रममा सहभागी हुन प्रधानमन्त्री झापा आउने तयारी भएको हो ।
आज र भोलि झापामा आयोजना हुने कार्यक्रमहरुमा उनी सहभागी हुनेछन्। आजको मुख्य कार्यक्रम दमकमा निर्माण भएको विजनेश टावरको उद्घाटन रहेको छ ।
आज दिउँसो १२ बजे ओलीले मेचीनगर–४ स्थित मानबसेवा आश्रममा भवनको शिलान्यास तथा उद्घाटन गर्ने कार्यक्रम तय भएको छ ।
त्यसपछि साढे १ बजे दमक –३ स्थित नवनिर्मित बिजनेस टावरको समुद्घाटन गर्ने कार्यक्रम रहेको एमाले झापाले जनाएको छ।
भोलिको पहिलो कार्यक्रम १० बजे बेलडाँगी खानेपानी उद्घाटन गर्ने रहेको छ । ११ बजे गौरादह नगरपालिका अन्तर्गत महारानी झोडा (स्कुलचौन) मा जग्गाधनीपुर्जा बितरण, १२: ३० बजे गौरादह बजारमा ताजपुरिया समाजको भेलालाई सम्बोधन गर्दै बिर्तामोड फर्किने कार्यक्रम रहेको छ ।
बिर्तामोडमा २ बजे सिटी सेन्टरमा पार्टी कार्यकर्ता भेलालाई सम्बोधन गर्ने एमालेले जनाएको छ।
