काठमाडौँ । सुनको मूल्यमा आज उच्च गिरावट आएको छ । सुनको मूल्य आज दुई हजार ६ सय रुपैयाँ घटेको हो । नेपाल सुनचाँदी व्यवसायी महासंघका अनुसार आज सुनको मूल्य एक लाख ४८ हजार सातसय रुपैयाँ कायम भएको छ ।
सोमबार एकैदिन तोलामा १५ हजार नौसय रुपैयाँले घटेर एक लाख ५१ हजार तीनसय रुपैयाँ थियो । आइतबार सुनको मूल्य एक लाख ६७ हजार दुईसय रुपैयाँ थियो । सरकारले सुनको भन्सारदर २० प्रतिशतबाट घटाएर १० प्रतिशतमा झारेपछि सुनको भाउ दुई दिनमै १८ हजार पाँचसय रुपैयाँ घटेको छ ।
हिजो एक हजार आठ सय ४५ रुपैयाँमा कारोबार भएको चाँदीको मूल्य आज एक हजार आठसय २० रुपैयाँमा झरेको छ । आज चाँदीको मूल्य पनि तोलामा २५ रुपैयाँ घटेको हो ।
