भक्तपुर । भक्तपुरमा एक वृद्धा हातखुट्टा बाँधिएको अवस्थामा मृत फेला परेकी छन् । जिल्ला प्रहरी परिसर, भक्तपुरका अनुसार भक्तपुर नगरपालिका–३, दरबारस्क्वायर इछुगल्लीकी ९४ वर्षीय विष्णुकुमारी त्वयना मृत फेला परेकी हुन ।
त्वयनाको शव बुधबार साँझ ५ बजेको समयमा आफू सुत्ने कोठामा कपडाले दुबै खुट्टा एकै ठाँउमा बाँधिएको अवस्थामा फेला परेको प्रहरीले जनाएको छ । उनी आफ्नै घरको चौथो तल्लामा एक्लै बस्दै आएकी थिइन् ।
शव पोस्टमार्टमका लागि काठमाडौं मेडिकल कलेज, दुवाकोट, भक्तपुर पठाइएको र घटनाबारे अनुसन्धान भइरहेको प्रहरीले जनाएको छ ।
